اوٹاوہ (ڈیلی اردو) ایران میں پولیس کی زیرحراست لڑکی کی ہلاکت کے معاملے پر پیدا شدہ صورتحال پر کینیڈا نے ایران کی 25 شخصیات اور 9 اداروں پر پابندی لگا دی۔
اوٹاوہ سے خبر ایجنسی کے مطابق کینیڈا کی حکومت نے ایران کے خلاف نئی پابندیاں انسانی حقوق کی خلاف ورزیوں پر لگائی ہیں۔
کینیڈا کی حکومت کا مزید کہنا ہے کہ پابندیاں خواتین پر ایرانی پولیس کے منظم مظالم اور گھناؤنے اقدامات پر لگائی گئی ہیں۔ پابندیوں میں ایرانی فوج، سیکیورٹی اور انٹیلی جنس وزارت کے عہدیدار شامل ہیں۔
خبر ایجنسی نے ایرانی میڈیا کے حوالے سے بتایا ہے کہ کینیڈا نے ایرانی پولیس پر بھی پابندی لگائی ہے۔
