کراچی (ڈیلی اردو) انسداد دہشتگردی کی عدالت نے اغوا برائے تاوان کیس میں ملوث پولیس اہلکاروں کو جسمانی ریمانڈ پر پولیس کے حوالے کرنے کا حکم دے دیا۔
گلستان جوہر سے دو شہریوں کے اغوا میں ملوث پولیس اہلکاروں کو انسداد دہشتگردی کی عدالت میں پیش کیا گیا۔
سماعت کے دوران کیس کے تفتیشی افسر نے کہا کہ ملزمان نے گلستان جوہر سے ضمیر اور بشیر نامی شہریوں کو اغواء کیا، ملزمان نے اہلخانہ سے 60 لاکھ روپے تاوان طلب کیا اور 15 لاکھ روپے تاوان لینے پنجاب اڈہ پہنچے۔
عدالت نے ملزمان کا 15 اکتوبر تک جسمانی ریمانڈ منظور کرتے ہوئے آئندہ سماعت پر پیشرفت رپورٹ پیش کرنے کا حکم دے دیا۔
