غزہ (ڈیلی اردو/آئی این پی) فلسطین کے شہر جینن میں اسرائیلی فورسز کی فائرنگ سے 3 فلسطینی ہلاک ہوگئے۔
The three Palestinians killed by the lsraeli occupation forces this morning in Jenin. pic.twitter.com/6Jhfo1GJ0Z
— TIMES OF GAZA (@Timesofgaza) December 8, 2022
غیر ملکی میڈیا کے مطابق فلسطین کی وزارت صحت کی جانب سے جاری بیان میں کہا گیا ہے کہ اسرائیلی فوج نے شہر جینن میں شمال مغربی کنارے پر قائم پناہ گزینوں کے کیمپ پر چھاپہ مارا، فلسطینی میڈیا کے مطابق جمعرات کی صبح بڑی تعداد میں اسرائیلی فوجیوں نے پناہ گزینوں کے کیمپ پر دھاوا بوالا، جس کی وجہ سے مقامی باشندوں کے ساتھ پرتشدد تصادم شروع ہو گیا اور اسرائیلی فورسز نے فائرنگ کر کے 3 فلسطینیوں کو ہلاک کر دیا۔
میڈیا رپورٹس کے مطابق اسرائیلی فوج کی فائرنگ کے باعث 10افراد زخمی بھی ہوئے جنہیں علاج کے لیے ہسپتال منتقل کر دیا گیا۔
میڈیا رپورٹس میں بتایا گیا ہے کہ تازہ ترین اعداد و شمار کے مطابق سال کے آغاز سے اب تک اسرائیلی فوج کے ہاتھوں مارے گئے فلسطینیوں کی تعداد 216 ہو گئی ہے۔
