اسلام آباد (ش ح ط) صوبہ خیبر پختونخوا کے قبائلی قبائلی ضلع شمالی وزیرستان کے ہیڈ کوارٹرز میرانشاہ میں سیکورٹی فورسز کی گاڑی پر خودکش حملے میں دو اہلکاروں سمیت 3 افراد ہلاک جبکہ 7 اہلکاروں سمیت 14 افراد زخمی ہوگئے۔
تفصیلات کے مطابق شمالی وزیرستان کے ہیڈکوارٹر میرانشاہ کے بازار میں موٹر سائیکل سوار خودکش حملہ آور نے خود کو سکیورٹی فورسز کی گاڑی سے ٹکرا دیا۔
ڈسٹرکٹ پولیس آفیسر فرحان خان کے مطابق میرانشاہ بازار میں ملک حاجی نور الدین شہید چوک میں سکیورٹی فورسز پر خودکش حملے میں دو فوجی اور ایک عام شہری ہلاک اور سکیورٹی فورسز کے 7 اہلکاروں سمیت 14 افراد زخمی ہوئے۔
زخمیوں کو ڈسٹرکٹ ہیڈکوارٹر ہسپتال میرانشاہ منتقل کر دیا گیا ہے۔ ذرائع کا کہنا ہے کہ شدید زخمی اہلکاروں کو میران شاہ ہسپتال سے (سی ایم ایچ) بنوں منتقل کیا جا رہا ہے۔ تاہم ابھی تک کسی گروپ یا تنظیم نے اس حملے کی ذمہ داری قبول نہیں کی۔
واقعے کے بعد سیکیورٹی فورسز نے علاقےکو گھیرے میں لے کر سرچ آپریشن شروع کر دیا۔
رواں سال شمالی وزیرستان میں یہ ساتواں خودکش حملہ ہے۔
خیال رہے کہ 23 اکتوبر کو شمالی وزیرستان میں ایک خودکش حملے میں پاک فوج کے ذیلی ادارے فرنٹیئر ورکس آرگنائزیشن کے 4 اہلکار زخمی ہوگئے تھے۔
شمالی وزیرستان کی تحصیل سپین وام میں سیکیورٹی فورسز کی گاڑی کے قریب خودکش دھماکا، خودکش حملے میں 4 اہلکار شدید زخمی ہوگئے، 2 کی حالت تشویشناک بتائی جاتی ہے۔ زخمیوں کو ہیلی کاپٹر کے ذریعے سی ایم ایچ بنوں منتقل کردیا گیا۔#TTP #SpinWam #NorthWaziristan#Pakistan
— Shabbir Hussain Turi (@ShabbirTuri) October 23, 2022
واضح رہے کہ 27 ستمبر کو شمالی وزیرستان کی تحصیل میرعلی بائی پاس میں سیکورٹی فورسز کی کانوائے پر ایک خودکش حملہ کیا گیا تھا، اس حملے میں 21 سیکورٹی اہلکار زخمی ہوگئے تھے۔
شمالی وزیرستان کی تحصیل میرعلی میں فوجی کانوائے پر خودکش حملہ، اطاعات کے مطابق خودکش حملہ میرعلی بائی پاس روڈ پر ہوا، قافلہ بنوں سے میران شاہ جارہا تھا، متعدد اہلکار زخمی، ہلاکتوں کا خدشہ ہے۔ #Mirali #NorthWaziristan #Pakistan
— Shabbir Hussain Turi (@ShabbirTuri) September 27, 2022
یاد رہے کہ 8 اگست کو شمالی وزیرستان میں ایک خودکش حملہ آور نے سیکیورٹی فورسز کے قافلے پر حملہ کیا جس کے نتیجے میں چار فوجی ہلاک اور آٹھ زخمی ہو گئے تھے۔
شمالی وزیرستان کی تحصیل میرعلی کے علاقے پتسی اڈہ کے قریب پاکستان آرمی کے قافلے پر خودکش حملہ، ابتدائی اطلاعات کے مطابق خودکش حملے میں 3 فوجی ہلاک اور چار زخمی ہوگئے ہیں۔#Mirali #NorthWaziristan #Pakistan@Natsecjeff
— Shabbir Hussain Turi (@ShabbirTuri) August 8, 2022
اس سے قبل 4 جولائی کو شمالی وزیرستان کی تحصیل میر علی کے علاقہ حدی میں شہید ایس پی طاہر خان داوڑ چوک کے قریب موٹر سائیکل سوار خودکش بمبار نے سیکیورٹی فورسز کے ٹرک کو نشانہ بنایا، جس کے نتیجے میں دو اہلکار ہلاک اور دیگر 15 اہلکار زخمی ہوگئے تھے۔
https://twitter.com/ShabbirTuri/status/1543936238654492681?t=wEIsSLl-xiPxJFYsZKnesw&s=19
14 مئی کو شمالی وزیرستان کی تحصیل میرعلی کے علاقے عیدک کے قریب فوجی کانوائے پر خودکش دھماکے میں 3 سکیورٹی اہلکاروں اور 3 بچوں سمیت 6 افراد ہلاک ہو گئے تھے۔
Won't be surprised if ISKP claims this attack. There has been some chatter on jihadi channels indicating that some TTP fighters recently defected to ISKP because they disagree with TTP leadership's peace talks with Pakistani state.
— FJ (@Natsecjeff) May 14, 2022
30 مئی کو شمالی وزیرستان کی تحصیل دوسلی میں سیکورٹی فورسز کی گاڑی پر خودکش حملہ ہوا تھا جس میں دو سیکیورٹی فورسز کے دو اہلکاروں سمیت چار افراد زخمی ہوگئے تھے۔
https://twitter.com/ShabbirTuri/status/1531181041519841281?t=qBNcGO4pGuwtjYCPxsUkjg&s=19