ماسکو + کییف (ڈیلی اردو) روس نے یوکرینی دارالحکومت کییف پر میزائلوں کی بارش کردی۔
تفصیلات کے مطابق روس کے یوکرین کی شہری تنصیبات پر میزائل حملے جاری ہیں، کیف سمیت کئی شہروں پر 70 سے زائد میزائلز داغ دیے، روس کے خلاف یوکرین کی بھرپور مزاحمت جاری ہے۔
یوکرین نے67 روسی میزائل فضائی دفاعی نظام کے تحت فضا ہی میں تباہ کردیے، میزائل گرنے سے خارکیف میں ایک رہائشی عمارت تباہ ہوگئی جس کے ملبے تلے شہریوں کے دبے ہونے کا خدشہ ہے، علاقے میں ریسکیو کارروائیاں جاری ہیں۔
یوکرینی فوج کا کہنا ہے کہ روس نے ملک کے متعدد علاقوں پر 76 میزائل داغے، جس میں سے 60 کو مار گرایا گیا۔
یوکرین کے آرمی چیف کا اس حوالے سے کہنا ہے کہ روس نے میزائل حملے میں 72 کروز میزائل اور 4 گائیڈڈ میزائل داغے، جس سے یوکرین کے اہم انفرااسٹرکچر کو نشانہ بنایا گیا۔
ان کے مطابق یوکرینی فوج نے 76 میں سے 60 روسی میزائل مار گرائے۔
روس بمباری کرکے یوکرین کے انرجی سیکٹر کو تباہ کررہا ہے، روسی حملوں سے یوکرین کے بجلی کے گرڈز تباہ ہوئے، یوکرین کی سرکاری توانائی کمپنی کے مطابق روسی میزائل حملوں کے بعد ملک بھر میں توانائی کی رسد نصف رہ گئی ہے، خارکیف سمیت متعدد شہروں بجلی کی سپلائی متاثر ہے۔
یوکرینی حکام کے مطابق خارکیف میں آدھے شہر کی بجلی بحال کردی گئی ہے جبکہ کیف سمیت دیگر مقامات پر بجلی بحالی کی کوششیں کی جارہی ہیں۔
ادھر یورپی یونین اور فرانس نے روسی حملوں پر تشویش کا اظہارکرتے ہوئے اسے وحشیانہ، ظالمانہ اور غیر انسانی قرار دیا ہے۔
