کراچی (ڈیلی اردو) جعلی اکاﺅنٹس کیس کے معاملے پر سندھ ہائیکورٹ نے سابق صدر آصف زرداری اور ان کی ہمشیرہ فریال تالپور کی حفاظتی ضمانتیں 10 روز کیلئے منظور کر لیں۔
جعلی اکاﺅنٹس اور میگا منی لانڈرنگ کیس میں حفاظتی ضمانت کیلئے سابق صدر آصف زرداری اور ان کی ہمشیرہ فریال تالپور سندھ ہائیکورٹ پہنچے تو کارکنوں نے خوب نعرے بازی کی تاہم آصف زرداری نے کارکنوں کی سرزنش کر دی۔
عدالت حفاظتی ضمانت درخواست کی سماعت کچھ دیر بعد شروع کریگی۔
قبل ازیں منی لانڈرنگ کیس اسلام آباد منتقلی کے خلاف آصف زرداری اور فریال تالپور کی فوری حکم امتناع سے متعلق اپیلیں مسترد کر دی گئیں۔
سندھ ہائیکورٹ نے ریمارکس دیئے کہ عدالت عظمی نے کیس منتقلی کا حکم دے دیا اب کیا بچتا ہے۔
