لاہور (بیورو رپورٹ) پنجاب کے مختلف اضلاع میں کاؤنٹر ٹیررازم ڈیپارٹمنٹ (سی ٹی ڈی) نے دہشت گردوں کے ٹھکانوں پر گرینڈ آپریشن کرتے ہوئے کالعدم تنظیموں سے تعلق رکھنے والے 8 دہشت گردوں کو گرفتار کرلیا۔
سی ٹی ڈی نے پنجاب کے مختلف علاقوں میں آپریشن کرتے ہوئے کالعدم تنظیموں سے تعلق رکھنے والے 8 دہشت گردوں کو گرفتار کرلیا، دہشت گردوں کے قبضے سے خودکش جیکٹیں، بارودی مواد، اسلحہ اور گولیاں برآمد کرلی گئیں۔#CTD #Punjab #Pakistan
— Shabbir Hussain Turi (@ShabbirTuri) February 18, 2023
ترجمان سی ٹی ڈی کے مطابق لاہور، سرگودھا اور ملتان سمیت دیگر اضلاع میں دہشت گردوں کےٹھکانوں پر گرینڈ آپریشن کیا گیا.
سیکورٹی آپریشن میں کالعدم تحریک طالبان پاکستان ( ٹی ٹی پی) اور داعش سے تعلق رکھنے والے 8 دہشتگردوں کو گرفتار کرلیا گیا۔
گرفتار دہشتگردوں میں مسعود الرحمان ، سبحان اللہ ، ساجد علی ، عزیز خان ، شاہد اعجاز اور شرافت اللہ شامل ہیں۔
ترجمان سی ٹی ڈی کا کہنا ہےکہ آپریشن کے دوران خودکش جیکٹیں، بارودی مواد، اسلحہ اور گولیاں برآمد کرلی گئیں۔
ترجمان سی ٹی ڈی کے مطابق دہشت گردوں کے خلاف 7 مقدمات درج کرکے تفتیش شروع کردی گئی ہے۔
