لاہور (ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) نے صوبہ پنجاب کے جنوبی ضلع لیہ میں دہشت گردی کا بڑا منصوبہ ناکام بناتے ہوئے انٹیلی جنس بیسڈ آپریشن کے دوران کالعدم تحریک طالبان پاکستان (ٹی ٹی پی) کا دہشت گرد گرفتار کرلیا۔
سی ٹی ڈی حکام کے مطابق دہشت گردی کی شناخت عبدالقیوم کے نام سے ہوئی جوکہ لیہ میں حساس عمارت کو نشانہ بنانا چاہتا تھا۔ دہشت گرد کے قبضے سے بارودی مواد اور خودکش جیکٹ بنانے کا سامان برآمد کرلیا۔
جنوبی ضلع لیہ سے سی ٹی ڈی نے کالعدم تحریک طالبان پاکستان کا دہشت گرد گرفتار کرلیا، دہشت گرد کے قبضے سے بارودی مواد اور خودکش جیکٹ بنانے کا سامان برآمد کرلیا۔ سی ٹی ڈی ترجمان#Layyah #Punjab #Pakistan
— Shabbir Hussain Turi (@ShabbirTuri) February 22, 2023
دہشت گرد کے خلاف مقدمہ درج کرکے مزید تفتیش کی جا رہی ہے۔ تحقیقات میں مزید انکشافات متوقع ہیں۔
