کوئٹہ (ڈیلی اردو) بلوچستان کے افغانستان سے متصل سرحدی شہر چمن میں روغانی روڈ پر نامعلوم مسلح موٹر سائیکل سواروں کی فائرنگ کے نتیجہ میں 2 ایف سی اہلکار ہلاک ہوگئے۔
ہلاک اہلکاروں کی نعشیں ہسپتال منتقل کردی گئی ہیں، دہشت گرد فائرنگ کے بعد موقع سے فرار ہونے میں کامیاب ہو گئے۔
واقعہ کے بعد سیکیورٹی فورسز نے علاقہ کو گھیرے میں لے کر ملزمان کی تلاش کے لئے سرچ آپریشن شروع کردیا ہے۔
دوسری طرف تحریک جہاد پاکستان نامی تنظیم نے حملے کی ذمہ داری قبول کرلی۔
