کوئٹہ (ڈیلی اردو) صوبہ بلوچستان کے سرحدی شہر چمن میں دہشت گردوں کی فائرنگ سے لیویز اہلکار ہلاک ہوگیا۔
تفصیلات کے مطابق پاک افغان سرحدی شہر چمن کے اڈہ کہول کے علاقے میں صحبت خان لیویز تھانہ پر تعینات اہلکار کو نشانہ بنایا گیا۔ موٹرسائیکل پر سوار دہشت گردوں نے لیویز اہلکار عطاء اللہ پر شدید فائرنگ کردی۔
https://twitter.com/ShabbirTuri/status/1630191250711126017?t=ChT9o4hG4kHZ6TzNZvaTjw&s=19
حکام کے مطابق حملے میں عطاء اللہ شدید زخمی ہوگیا جنہیں علاج کےلیے کوئٹہ منتقل کردیا جہاں وہ چل بسا۔
حملے کے بعد سیکیورٹی فورسز نے علاقے میں سرچ آپریشن شروع کردیا۔
خیال رہے کہ چمن اور مضافاتی علاقوں میں سکیورٹی فورسز پر حالیہ دنوں میں دہشت گرد حملوں میں میں اب تک متعدد لیویز، پولیس اور ایف سی اہلکار ہلاک ہوچکے ہیں۔
