دمشق + تہران (ڈیلی اردو) شام پر اسرائیلی حملوں میں ایرانی پاسدارانِ انقلاب گارڈز کے 2 مشیر ہلاک اور 5 شامی فوجی زخمی ہو گئے۔
https://twitter.com/Natsecjeff/status/1642297751537950724?t=REvv_BvnMMAN6miMFYI0jQ&s=19
ایرانی میڈیا کے مطابق مقداد مقدانی جعفرآبادی جمعے کی صبح اسرائیلی حملے میں زخمی ہوئے تھے جو آج چل بسے۔
ایرانی میڈیا نے بتایا ہے کہ اس حملے میں پاسدارانِ انقلاب کے مشیر میلاد حیدری بھی ہلاک ہوگئے تھے۔
سیریئن آبزرویٹری کے مطابق مارچ کے دوران اسرائیل کی شام میں یہ چھٹی فضائی کارروائی تھی۔
A second Iranian #IRGC officer was killed due to injuries sustained in an #Israeli attack near #Damascus #Syria a few days ago. The #Iran bill is growing with #Israel. pic.twitter.com/BuIOy1ahOV
— Elijah J. Magnier ???????? (@ejmalrai) April 2, 2023
ایرانی میڈیا کا کہنا ہے کہ پاسدارانِ انقلاب گارڈز نے اسرائیلی حملے کا پرُزور جواب دینے کےعزم کا اظہار کیا ہے۔
دوسری جانب شام کے شہر حمص اور اس کے اطراف کے علاقوں میں اسرائیل نے تازہ بمباری کی ہے جس کے نتیجے میں 5 شامی فوجی زخمی ہو گئے۔
شامی وزارتِ دفاع کی جانب سے اسرائیلی بمباری اور 5 فوجیوں کے زخمی ہونے کی تصدیق کی گئی ہے۔
سیریئن آبزرویٹری کے مطابق اسرائیلی بمباری میں شامی حکومتی فورسز کے فوجی ٹھکانوں کو نشانہ بنایا گیا۔
سیریئن آبزرویٹری کا کہنا ہے کہ اسرائیلی حملوں کے باعث ریسرچ سینٹر میں آگ لگ گئی۔
