ڈی آئی خان (بیورو رپورٹ) ڈیرہ اسماعیل خان میں سیکیورٹی فورسز اور پولیس نے مشترکہ آپریشن کرتے ہوئے ایک دہشت گرد کو ہلاک کردیا۔
https://twitter.com/ShabbirTuri/status/1643195910485323776?t=5fDbaNOP25Ec9D2rf5lDzw&s=19
تفصیلات کے مطابق تھانہ درابن کی حدود میں واقع علاقہ کوٹ عیسی میں سیکیورٹی فورسز اور پولیس نے دہشت گردوں کی موجودگی کی اطلاع پر مشترکہ آپریشن کیا۔ دہشت گردوں نے پولیس اور سیکورٹی فورسز کو دیکھتے ہی اندھا دھند فائرنگ کردی جس کے بعد جوابی دفاعی فائرنگ سے کالعدم تنظیم کا دہشت گرد موقع پر مارا گیا جس کی شناخت انصر ولد گل رحمن کے نام سے ہوئی جبکہ 2 دہشتگرد مقابلے میں زخمی ہوئے اور نزدیکی جنگل کا فائدہ اٹھاتے ہوئے فرار ہونے میں کامیاب ہو گئے جبکہ پولیس کانسٹیبل الیاس زخمی ہو گیا جس کو ڈسٹرکٹ ہسپتال ڈیرہ منتقل کر دیا گیا۔
واضح رہے کہ مارا جانیوالا دہشت گرد انصر درابن چیک پوسٹ پر حملے سمیت متعدد سیکیورٹی فورسز اور پولیس پر حملوں میں ملوث تھا۔ ہلاک دہشت گرد سے برآمد ہونیوالی SMG کانسٹیبل حضرت حسین کی تھی جو درابن چیک پوسٹ پر حملے میں ہلاک ہوگیا تھا۔
