صوابی (نمائندہ ڈیلی اردو) صوبہ خیبر پختونخوا کے ضلع صوابی میں دہشت گردوں نے کار پر دستی بم حملہ کرکے ایک پولیس افسر کو ہلاک اور 2 کو شدید زخمی کر دیا۔
https://twitter.com/ShabbirTuri/status/1644349299340476420?t=M8lCObhDWbSR_9ixOwT2xw&s=19
تفصیلات کے مطابق صوابی میں پولیس اہلکار کار پر سوار منزل کی جانب رواں دواں تھے کہ پہلے سے گھات لگائے دہشت گردوں نے ان پر دستی بم سے حملہ کیا جس کے نتیجے میں ایک پولیس افسر موقع پر ہلاک جبکہ دو شدید زخمی ہوئے۔
واقعے کی اطلاع ملنے پر پولیس کی بھاری نفری موقع پر پہنچی اور زخمیوں کو اسپتال منتقل کیا جبکہ ملزمان کی تلاش کے لئے علاقے میں سرچ آپریشن شروع کردیا ہے۔
دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔
