اسلام آباد ( عاطف عباس) وفاقی حکومت نے پٹرولیم ڈویژن کے 5 ذیلی اداروں کے بورڈ کی تکمیل کا عمل شروع کردیا گیا ہے،تمام بورڈز میں صوبوں اور خواتین کو بھی پہلی بار نمائندگی دی جارہی ہے۔
اس حوالے سےوفاقی وزیر پٹرولیم غلام سرور خان نے کہا ہے کہ 5 بورڈ آف ڈائریکٹرز کی تشکیل جلد مکمل کر لی جائے گی. سوئی ناردن گیس ،سوئی سدرن گیس کمپنی لمیٹڈ، او جی ڈی سی ایل ،پاکستان منرل ڈویلپمنٹ کارپوریشن اور پاکستان پیٹرولیم لمیٹڈ کے بورڈ مکمل کر لئے جاییں گے.تمام ڈائریکٹرز میرٹ پر لیے گئے ہیں.
صوبائی نمائندگی کو بھی مد نظر رکھا گیا ہے. پاکستان کی کارپوریٹ تاریخ میں پہلی دفعہ اہل اور تعلیم یافتہ خواتین کو تمام بورڈز میں نمائندگی دی گئی ہے .رولز کے تحت ہر بورڈ میں ایک خاتون موجود ہے.پی ٹی آئی حکومت نے5 بورڈز میں صوبوں اور خواتین کو نمائندگی دے کر تاریخ رقم کی ہے.
تمام ڈائریکٹرز غیر سیاسی بنیادوں پر رکھے گئے ہیں.اس کے علاوہ پی ایس او کا بورڈ پہلے ہی مکمل کرلیا گیا تھا۔
