اسلام آباد (ش ح ط) صوبہ خیبر پختونخوا کے ضلع ہنگو کی تحصیل ٹل میں دہشت گردوں کے حملے کے نتیجے میں فرنٹیئر کانسٹیبلری (ایف سی) کے 4 اور غیر ملکی آئل کمپنی کے 2 اہلکار ہلاک ہوگئے۔
In Manji Khel area of Tal, Hangu, Khyber Pakhtunkhwa, at around 0400 Hours today, heavily armed terrorists attacked the Hangu MOL Oil and Gas plant, a joint venture of #Pakistan ???????? with the friendly country of #Hungary ????????
Heavy damage was caused at the oil field, where after two… pic.twitter.com/dTYinv9dAF
— The STRATCOM Bureau (@OSPSF) May 23, 2023
سرکاری ذرائع کے مطابق ٹل کے علاقے منجی خیل میں غیر ملکی مول آئل اینڈ گیس کمپنی پلانٹ پر رات دیر گئے ایک درجن سے زائد دہشتگردوں نے حملہ کیا ہے۔ دہشتگردوں نے مول کمپنی پلانٹ پر بھاری ہتھیاروں سے حملہ کیا۔ حملے میں فرنٹیئر کانسٹیبلری کے چار اور نجی سکیورٹی کے دو اہلکار ہلاک ہوگئے۔ جبکہ ایک اہلکار لاپتہ ہے۔
ڈی ایس پی ٹل سرکل عرفان خان نے ڈیلی اردو کو بتایا کہ رات کے آخری پہر دہشت گردوں نے میانجی خیل کے مقام پر مول گیس کمپنی کے گیس کنویں کی سیکیورٹی پر مامور اہلکاروں پر اندھا دھند فائرنگ کر دی۔
انہوں نے کہا کہ جوانوں نے 2 گھنٹے تک جواں مردی کے ساتھ حملہ آوروں کا مقابلہ کیا، اس حملے میں ایف سی کے 4 اور 2 نجی سیکیورٹی کمپنی کے گارڈز ہلاک ہو گئے۔
ہلاک ہونے والے اہلکاروں کی شناخت سپاہی حمزہ علی، سپاہی شریعت اللہ، سپاہی محمد ولید اور سپاہی ظفر اعظم کے نام سے ہوئی ہے۔
دہشت گرد اہلکاروں کا سرکاری اسلحہ اور دیگر سامان بھی لوٹ کر فرار ہوگئے۔ اسلحے میں 4 عدد ایس ایم جی، ایک عدد ایل ایم جی بمعہ میگزین اور گرنیڈ جبکہ آئل کمپنی کے گارڈز کے 2 رائفل بھی شامل ہیں۔
دوسری جانب کالعدم تحریک طالبان پاکستان نے مول آئل اینڈ گیس کمپنی پلانٹ پر حملے کی ذمہ داری قبول کرلی۔
انہوں نے بتایا کہ حملے کے اطلاع ملتے ہی ٹل سے بھاری نفری موقع پر پہنچی تاہم دہشت گرد رات کی تاریکی کا فائدہ اٹھاتے ہوئے جائے وقوع سے فرار ہونے میں کامیاب رہے۔
ڈی ایس پی کا کہنا تھا کہ پولیس اور فرنٹئیر کور کی بھاری نفری نے علاقے میں سرچ آپریشن شروع کردیا ہے۔
سیکیورٹی اہلکاروں کی میتوں کو کمبائنڈ ملٹری ہسپتال ٹل منتقل کردیا گیا۔ جبکہ پوسٹم مارٹم کے بعد میتیں ان کے علاقوں کو روانہ کی جائیں گئیں۔
ڈی پی او ہنگو آصف بہادر کے مطابق علاقے میں پولیس سرچ آپریشن کر رہی ہے اور سیکورٹی اداروں کی معاونت بھی حاصل ہے۔
ہنگو میں دیگر آئل اینڈ گیس پلانٹس اور پراجیکٹس کی سیکیورٹی بھی سخت کر دی گئی ہے۔
