لاہور (ڈیلی اردو) لاہور کے علاقے رائے ونڈ میں قاری محمد رضوان کی مبینہ زیادتی کا شکار 8 سالہ بچہ ہسپتال میں کئی روز موت وحیات کی کشمکش میں مبتلا رہنے کے بعد دم توڑ گیا۔
قاری رضوان نے جرم چھپانے کیلئے بچے کو چھت سے نیچے پھینک دیا تھا۔
پولیس کے مطابق 8 سالہ بچے ثمر سلیم کو چند روز قبل قاری رضوان نے زیادتی کانشانہ بنایا اور پھر اسے بالائی منزل سے نیچے پھینک دیا۔
بچہ چلڈرن ہسپتال کے انتہائی نگہداشت یونٹ (آئی سی یو) میں گزشتہ دس روز سے زیر علاج تھا جہاں زخموں کی تاب نہ لاتے ہوئے وہ دم توڑ گیا۔
پولیس نے ملزم قاری کو گرفتار کرکے تفتیش شروع کردی تھی اور ملزم قاری رضوان نے اعتراف جرم کرلیا ہے۔
