کوئٹہ (نمائندہ ڈیلی اردو) صوبہ بلوچستان کے ساحلی شہر گوادر کے مقام پر سیکیورٹی فورسز کے قافلے پر نامعلوم دہشت گردوں کی جانب سے حملے کے نتیجے میں ایک افسر سمیت دو سیکیورٹی اہلکار ہلاک ہو گئے۔
بلوچستان کے ساحلی شہر گوادر میں سیکیورٹی فورسز کے قافلے پر دہشت گردوں کے حملے میں سیکیورٹی فورسز کے افسر سمیت 2 اہلکار ہلاک ہوگئے جبکہ 2 زخمی ہوگئے۔#Gwadar #Balochistan #Pakistan
— Shabbir Hussain Turi (@ShabbirTuri) July 2, 2023
ذرائع نے ڈیلی اردو کو بتایا کہ شام کے وقت گوادر میں نامعلوم دہشت گردوں نے سیکورٹی فورسز کے قافلے پر اندھا دھند فائرنگ کی، جس کے نتیجے میں ایک افسر سمیت دو اہلکار موقع پر ہلاک ہوگئے جبکہ دو سے تین اہلکار زخمی ہوگئے۔
ذرائع نے مزید بتایا کہ لاشوں اور زخمیوں کو سرکاری ہسپتال منتقل کردیا گیا ہے۔
واقعے کی اطلاع ملتے ہی پولیس اور دیگر قانون نافذ کرنے والے اداروں کے اہلکاروں کو طلب کر کے علاقے میں آپریشن کا آغاز کردیا گیا۔
