اسلام آباد (ش ح ط) صوبہ خیبر پختونخوا کے قبائلی ضلع جنوبی وزیرستان کے علاقے سراروغہ میں سیکیورٹی فورسز کی گاڑی پر بارودی سرنگ کے دھماکے میں ایک ایف سی ہلاک جبکہ دوسرا زخمی ہو گیا۔
ذرائع کے مطابق جنوبی وزیرستان کی تحصیل سراروغہ کے علاقے سرکائی منزکائی میں سیکیورٹی فورسز کی گاڑی پر بارودی سرنگ کے دھماکے میں ایف سی اہلکار احسان اللہ ہلاک جبکہ ایک زخمی ہو گیا۔
واقع کے بعد سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے تاہم ابھی تک کسی گرفتاری کے بارے میں کوئی بیان جاری نہیں کیا گیا ہے۔
دوسری جانب حملے کی ذمہ داری کالعدم تحریک طالبان پاکستان نے قبول کرلی۔
ترجمان محمد خراسانی نے دعویٰ کیا ہے کہ حملے میں چار فوجی اہلکار ہلاک جبکہ دو زخمی ہوئے۔
