شبقدر (نمائندہ ڈیلی اردو) صوبہ خیبر پختونخوا کے ضلع چارسدہ میں دہشت گردوں نے ڈی ایس پی شبقدر کے دفتر پر دستی بم سے حملہ کیا۔
پولیس حکام کے مطابق تھانے پر دستی بم حملے میں جانی نقصان نہیں ہوا البتہ ایک گاڑی، موٹر سائیکل اور دیوار کو جزوی نقصان پہنچا ہے۔
ڈی ایس پی گل شید خان نے آج ہی عہدے کا چارج سنبھالا ہے۔ دستی بم حملے کے بعد جائے وقوعہ پر پولیس کی نفری پہنچی۔
پولیس کی جوابی کارروائی میں حملہ آور موقع سے فرار ہوگئے تاہم اُن کی تلاش کے لیے سرچ آپریشن اور اطراف کے داخلی خارجی راستوں پر چیکنگ سخت کی جارہی ہے۔
