راولپنڈی (ک م) صوبہ بلوچستان کے ضلع کیچ میں سیکیورٹی فورسز نے کامیاب آپریشن کرتے ہوئے 2 دہشت گردوں کو ہلاک اور ایک کو گرفتار کرلیا۔
بلوچستان کے ضلع کیچ کے علاقے مزبند کے پہاڑی علاقے میں دہشت گردوں کیخلاف انٹیلیجنس بیسڈ آپریشن کے دوران 2 دہشت گرد مارے گئےجبکہ ایک دہشت گرد زخمی حالت میں کرلیا گیا۔ دہشت گردوں سے بھاری مقدار میں اسلحہ اور گولہ بارود بھی برآمد کرلیا گیا۔ آئی ایس پی آر#Kech #Balochistan #Pakistan
— Shabbir Hussain Turi (@ShabbirTuri) August 11, 2023
پاکستانی فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بلوچستان کے ضلع کیچ کے علاقے مزبند کے پہاڑی سلسلے میں دہشت گردوں کے خلاف کامیاب انٹیلی جنس بیسڈ آپریشن کیا، آپریشن کے دوران 2 دہشت گرد مارے گئے جبکہ ایک دہشت گرد زخمی ہوا، جسے گرفتار کرلیا گیا۔
آئی ایس پی آر کے مطابق دہشت گردوں سے بھاری مقدار میں اسلحہ اور گولہ بارود بھی برآمد کرلیا گیا۔
مارے گئے دہشت گرد معصوم شہریوں اور قانون نافذ کرنے والے اداروں کو نشانہ بنانے میں ملوث تھے۔
ترجمان کے مطابق سیکیورٹی فورسز دہشت گردی کی لعنت کے خاتمے اور پاکستان کے دشمنوں کے مذموم عزائم کو ہر قیمت پر ناکام بنانے کے لیے پرعزم ہیں۔
