کوئٹہ (ڈیلی اردو) صوبہ بلوچستان کے صوبائی دارالحکومت کوئٹہ کے علاقے خالق آباد کے قریب دستی بم حملے میں ایک شخص ہلاک اور 2 افراد زخمی ہوگئے۔
پولیس کے مطابق دستی بم حملہ مغربی بائی پاس کے علاقے خالق آباد میں دستی بم حملہ ہوا، دھماکے کے نتیجے میں ایک راہگیر ہلاک جبکہ 2 افراد زخمی ہوگئے جنہیں سول ہسپتال منتقل کردیا گیا۔
دھماکے کے بعد پولیس اور سیکیورٹی فورسز نے علاقے کو گھیرے میں لے کر ملزمان کی تلاش شروع کردی۔
سی ٹی ڈی کے عملے نے جائے وقوعہ سے شواہد اکھٹے کر لیے اور مقدمہ درج کرتے ہوئے تحقیقات کا آغاز کر دیا۔
