لندن (نیوز ڈیسک) آرمی پبلک اسکول سانحے میں بچ جانے والے طالب علموں میں سے ایک احمد نواز کو ’پرائیڈ آف بریٹن‘ ایوارڈ سے نواز گیا ہے۔
اپنے ٹوئٹر پیغام میں ان کا کہنا تھا کہ وہ اس اعزاز کو حاصل کرنے پر بے حد خوش ہیں۔
Greatly humbled & encouraged to recieve @PrideOfBritain’s Award. Thanks to everyone for your unconditional support & love throughout my journey. Hope to continue to inspire more young people to be upstanders in their society. #UnleashThePotential pic.twitter.com/qsb0J7dY5L
— Ahmad Nawaz (@Ahmadnawazaps) March 27, 2019
18 سالہ احمد نے پیغام میں اپنے اس سفر کے دوران لوگوں کی بے پناہ محبت اور سپورٹ پر ان کا شکریہ ادا کرتے ہوئے امید کا اظہار کیا کہ وہ معاشرے کے دیگر نوجوانوں کو بھی انسپائر کرنے میں کامیاب ہوں گے۔
خیال رہے کہ طالبان کے حملے کے وقت احمد صرف 14 سال کے تھے اور سانحے کے دوران خود کو مردہ ظاہر کرکے اپنی جان بچانے میں کامیاب رہے تھے۔
اس سانحے میں ان کے بھائی اور کلاس کے دیگر طالب علم شہید ہوگئے تھے۔ احمد بھی واقعے میں شدید زخمی ہوگئے تھے جنہیں بعد میں علاج کے لیے برطانیہ منتقل کیا گیا تھا۔
آرمی پبلک اسکول سانحے میں 130 بچوں سمیت 144 افراد شہید ہوگئے تھے۔
