کوئٹہ (ڈیلی اردو) صوبہ بلوچستان کےضلع دکی میں نجی کوئلے کان پر دہشت گردوں کے حملے میں تین کان کن اور امن فورس کے دو اہلکار زخمی ہوگئے۔
پولیس کے مطابق نجی کوئلہ کان میں حملے کا واقعہ رات گئے پیش آیاجہاں نامعلوم دہشت گردوں نے حملہ کیا اور فائرنگ کے نتیجے میں تین کان کن اور امن فورس کے دو اہلکار زخمی ہو گئے۔
واقعے کی اطلاع ملتے ہی پولیس اورایف سی کی بھاری نفری موقع پرپہنچ گئی جبکہ جوابی فائرنگ پر حملہ آور موقع سے فرار ہو گئے۔
پولیس کے مطابق حملہ آوروں نے کان کنوں کو اغواکرنے کی بھی کوشش کی جسے ناکام بنادیا گیا ہے، زخمی کان کنوں اورامن فورس کے اہلکاروں کو ہسپتال منتقل کردیا گیا ہے۔
پولیس نے واقعے کی مزید تحقیقات اور حملہ آوروں کی تلاش کیے لئے سرچ آپریشن شروع کردیا ہے، آخری اطلاعات کے مطابق علاقے میں سرچ آپریشن جاری تھا۔
