اسلام آباد (ڈیلی اردو) وفاقی حکومت نے 26 مارچ 2024 کو دہشتگرد حملے میں ہلاک چینی باشندوں کے لئے 25 لاکھ 80 ہزار ڈالرز زر تلافی کا اعلان کیا ہے جس کی ای سی سی اجلاس میں منظوری دی جائے گی۔
داسو ڈیم حملے میں 6 چینی کارکن ہلاک ہوئے تھے جس کے بعد حملے میں ہلاک پاکستانی کے لیے 25 لاکھ روپےکی سفارش کی گئی۔
کابینہ ڈویژن کے ایک سینئر افسر کے مطابق اقتصادی رابطہ کمیٹی (ای سی سی) اپنے آئندہ اجلاس میں اس پیکج کی منظوری دے گی۔
اس حملے میں ہلاک چینی کارکنوں کا تعلق داسو ہائیڈرو پاور پر وجیکٹ سے تھا جو ورلڈ بینک کے تعاون سے تعمیر کیا جارہا ہے، اس پروجیکٹ کے مکمل ہونے سے 4320 میگا واٹ بجلی کی پیدوار متوقع ہے لیکن بدقسمتی سے یہ پروجیکٹ دوبارہ دہشتگرد حملوں سے متاثر ہوا ہے۔
اس پروجیکٹ پر پہلا دہشتگرد حملہ 14جولائی 2021 کو ہوا تھا جس میں 10 چینی ہلاک اور 20 زخمی ہوئے تھے جب کہ رواں سال دوسرے حملے میں 6 چینی اور ایک پاکستانی اپنی جانوں سے ہاتھ دھو بیٹھے۔
6 مقتول چینیوں کے ورثاء کے لیے مذکورہ زرتلافی کی سمری ای سی سی کو مل گئی ہے۔
بین الوزار تی کمیٹی (آئی ایم سی) نے ہلاک ہونے والے پاکستانی کارکن کے لیے بھی 25 لاکھ روپے تلافی کی سفارش کی ہے۔
آئی ایم سی کا قیام گزشتہ 9 مئی کو وزارت آبی وسائل کی کٹوینر شپ میں عمل میں آیا تھا۔
