ٹانک (ڈیلی اردو) صوبہ خیبر پختونخوا کے ضلع ٹانک سے 13 ملازمین اور مزدوروں کو مسلح دہشت گردوں نے اغواء کر لیا۔
تفصیلات کے مطابق مزدور بجلی کے کھمبے کی مرمت کے سلسلے میں تھانہ صدر کی حدود گاؤں تتور گئے کہ نامعلوم دہشت گردوں کی جانب سے اغواء کیا گیا۔
پولیس کے مطابق 132 کے وی مین ٹرانسمیشن لائن پر کام کرنے والے 13ملازمین اور مزدوروں کو نامعلوم مسلح افراد نے اغوا کرلیا۔
پولیس نے اطلاع ملتے ہی اغواء کاروں کا پیچھا کرتے ہوئے 9 مزدوروں کو بازیاب کرایا جبکہ اغواء کار 4 مزدوروں کو اپنے ساتھ لے گئے۔
پولیس ذرائع کے مطابق مزدوروں کا تعلق پنجاب سے بتایا جا رہا ہے۔
دیگر مزدوروں کی تلاش کا کام جاری ہے۔
