پشاور (حسام الدین) صوبہ خیبر پختونخوا کے قبائلی ضلع باجوڑ میں سکیورٹی فورسز نے مشترکہ انٹیلیجنس بیسڈ آپریشن کرکے 3 دہشت گردوں کو ہلاک کردیا جبکہ ایک حوالدار ہلاک اور ایک شدید زخمی ہوگیا۔
سکیورٹی فورسز کو اطلاع موصول ہوئی کہ افغانستان سے کچھ دہشت گرد باجوڑ داخل ہوچکے ہیں جس بناء پر سکیورٹی فورسز نے انٹلیجنس بیسڈ آپریشن کیا اس دوران فائرنگ کا تبادلہ ہوا جس میں تین دہشت گرد ہلاک ہوگئے جبکہ سکیورٹی فورسز کے حوالدار خالد اقبال ہلاک ہوئے اور فیلڈ آپریٹر جنید شدید زخمی ہو گئے جنہیں طبی امداد کے لئے اسپتال منتقل کر دیا گیا ہے۔
ذرائع کا کہنا ہے کہ ہلاک ہونے والے اہلکاروں کا تعلق انٹیلی جنس سے تھا۔
