لاہور (ڈیلی اردو) صوبہ پنجاب کے صوبائی حکومت لاہور کے علاقے مصری شاہ سکریپ کے گودام میں سرچ آپریشن کے دوران دو دستی بم اور ڈیٹونیٹر برآمد ہوگئے۔
پولیس کے مطابق گودام میں سرچنگ کے دوران دستی بم اور ڈیٹونیٹر برآمد ہوئے ہیں، گودام میں موجود ٹرک کی تلاشی کے دوران 2 دستی بم برآمد ہوئے۔
پولیس نے بتایا کہ گودام سے ملنے والے ڈیٹونیٹر بم ناکارہ بنا دیئے گئے جبکہ گزشتہ روز اسی گودام میں دستی بم پھٹنے سے ایک مزدور ہلاک ہوا تھا۔ پولیس نے گودام سے دو افراد کو گرفتار کرلیا ہے۔
واضح رہے کہ گزشتہ روز اسی اسکریپ کے گودام میں موجود ہینڈ گرنیڈ وہاں کام کرنے والے مزدور کے ہاتھ میں پھٹ گیا جس سے وہ موقع پر ہی ہلاک ہوگیا تھا۔
خلیل کو اسکریپ میں یہ ہینڈ گرنیڈ ملا تھا۔ حفاظی اقدام کے طور پر وہاں سے ہٹنے یا متعلقہ عملے کو مطلع کرنے کے بجائے اس نے ہینڈ گرنیڈ کو جیسے ہی اٹھایا وہ پھٹ گیا۔
