اسلام آباد (ش ط ح) صوبہ خیبر پختونخوا کے قبائلی ضلع شمالی وزیرستان میں دہشت گردوں کی فائرنگ سے کاؤنٹر ٹیررازم ڈیپارٹمنٹ (سی ٹی ڈی) کا ایک اہلکار ہلاک ہوگیا ہے۔
ڈیلی اردو کے مطابق تحصیل میر علی کے نواحی گاؤں عیدک میں نامعلوم مسلح دہشت گردوں کی فائرنگ سے سی ڈی ٹی کا اہلکار انصار علی ہلاک ہوگیا۔
پولیس کے مطابق نامعلوم دہشت گردوں نے سی ٹی ڈی اہلکار کو ٹارگٹ کلنگ کا نشانہ بنایا اور حملہ آور فرار ہوگئے۔
واقعے کے بعد پولیس نے علاقے میں سرچ آپریشن شروع کردیا ہے۔
یاد رہے کہ گزشتہ ماہ تحصیل شیواہ میں عبد الرحیم نامی پولیس اہلکار کو نامعلوم موٹر سائیکل دہشت گردوں نے گھر کے سامنے فائرنگ کرکے ہلاک کردیا تھا۔
