ڈی آئی خان (ڈیلی اردو) صوبہ خیبر پختونخوا کے ضلع ڈیرہ اسماعیل خان میں کیش لے جانے والی نجی سیکیورٹی کمپنی کی کیش وین کے چار سیکیورٹی گارڈ اغوا، اغواء کار کیشن وین بھی ساتھ لے گئے۔
واقعہ ڈیرہ اسماعیل خان کے علاقہ درابن روڈ پر پیش آیا جہاں سے کیش لے جانے والی نجی سیکیورٹی کمپنی کی کیش وین کے چار سیکیورٹی گارڈز کو وین سمیت اغوا کر لیا گیا۔
ڈیرہ پولیس کا کہنا ہے کہ نجی کمپنی کی گاڑی میں 86 لاکھ 60 ہزار روپے موجود تھے، مسلح افراد نے کیش وین کو سگو کے مقام پر روکا گیا تھا۔
پولیس اور دیگر قانون نافذ کرنے والے اداروں نے واقعہ کی تحقیقات کا آغاز کر دیا ہے۔ مغوی کی بازیابی اور کیش وین کی تلاش کے لیے تحصیل کلاچی میں بڑے پیمانے پر سرچ آپریشن شروع کر دیا گیا ہے۔
