وانا (نمائندہ ڈیلی اردو) قبائلی ضلع جنوبی وزیرستان کی تحصیل برمل میں نامعلوم مسلح افراد کی فائرنگ سے سکول ٹیچر محمود سمیت دو افراد ہلاک ہوگئے۔
پولیس کے مطابق واقعہ تحصیل برمل کے علاقہ لنڈی ڈوگ میں پیش آیا جہاں کالے شیشوں والی فیلڈر گاڑی سے فائرنگ کی گئی جس کے نتیجے میں سکول ٹیچر محمود سمیت دو افراد ہلاک ہوگئے۔
واقعے کے فوری بعد پولیس جائے وقوعہ پر پہنچ گئی جبکہ ملزمان فرار ہونے میں کامیاب ہوگئے۔
پولیس نے دونوں افراد کی لاشیں ڈی ایچ کیو ہسپتال وانا منتقل کردی۔
جائے وقوعہ سے شواہد اکٹھے کرکے تفتیش شروع کردی گئی ہے۔
