بنوں (ڈیلی اردو) صوبہ خیبر پختونخوا کے ضلع بنوں میں پولیس اور مسلح دہشت گردوں کے درمیان فائرنگ کے نتیجے میں ایس ایچ او اور پولیس اہلکاروں سمیت 5 افراد زخمی ہوگئے۔
بنوں کے تھانہ میریان کی حدود سرکلر روڈ پر مسلح دہشت گردوں کی جانب سے پولیس گاڑی پر فائرنگ کی گئی، فائرنگ کے نتیجے میں ایک راہگیر ہلاک ہوگیا، جبکہ ایس ایچ او سمیت 3 پولیس اہلکار زخمی ہوگئے۔
حملے میں 2 راہگیر بھی زخمی ہوئے، پولیس کی جوابی فائرنگ سے حملہ آور فرار ہوگئے، زخمیوں کو ڈسٹرکٹ ہیڈ کوارٹر ہسپتال منتقل کر دیا۔
پولیس کی جانب سے علاقے کو گھیرے میں لے کر سرچ آپریشن شروع کر دیا گیا۔
