اسلام آباد (ش ح ط) صوبہ خیبر پختونخوا کے ضلع ڈیرہ اسماعیل خان کی تحصیل کلاچی میں سیکیورٹی فورسز نے خفیہ اطلاع پر آپریشن کرتے کرتے ہوئے دو دہشت گردوں کو ہلاک کردیا۔
سرکاری ذرائع کے مطابق سیکیورٹی فورسز نے دہشت گردوں کی موجودگی کی اطلاع پر کلاچی کے علاقے ہتھالہ میں انٹیلی جنس بیسڈ آپریشن کیا۔
ذرائع نے ڈیلی اردو کو بتایا کہ آپریشن کے دوران سیکیورٹی فورسز نے مؤثر انداز میں دہشت گردوں کے ٹھکانے کو نشانہ بنایا، اس کارروائی کے دوران کالعدم تنظیم کے دو دہشت گرد مارے گئے۔
سرکاری ذرائع کے مطابق ہلاک ہونے والے دہشت گرد نجی کمپنی کی کیش وینز کو لوٹنے اور جلانے کے واقعات میں بھی مطلوب تھے۔
ذرائع نے مزید بتایا کہ ہلاک دہشت گرد سیکیورٹی فورسز اور بے گناہ شہریوں کے خلاف دہشت گردی کی کارروائیوں میں ملوث تھے، مارے گئے دہشت گردوں سے اسلحہ باردود اور دھماکا خیز مواد بھی برآمد ہوا۔
ذرائع کا کہنا ہے کہ آپریشن میں خرم شہزاد نامی فوجی بھی ہلاک ہوا۔
