وانا (نمائندہ ڈیلی اردو)صوبہ خیبر پختونخوا کے قبائلی ضلع جنوبی وزیرستان میں ایڈیشنل ایس ایچ او کی گاڑی پر دھماکہ ہوا ہے۔
پولیس کے مطابق واقعہ جنوبی وزیرستان کے علاقہ انگور اڈہ سٹہ خلہ کے مقام پر پیش آیا جہاں ایڈیشنل ایس ایچ او خورشید کی گاڑی کو آئی ڈی دھماکے کے ذریعے نشانہ بنایا گیا۔
دھماکہ کے بعد نامعلوم مسلح افراد نے فائرنگ کی تاہم خوش قسمتی سے کسی قسم کا کوئی جانی نقصان نہیں ہوا۔
پولیس کے مطابق ایڈیشنل ایس ایچ او انگور اڈا سے وانا آرہے تھے کہ ان کی گاڑی کو نشانہ بنانے کی کوشش کی گئی۔
دھماکے اور فائرنگ کے بعد پولیس نے علاقے کو گھیرے میں لیکر سرچ آپریشن شروع کردیا۔
