لنڈی کوتل (ڈیلی اردو) صوبہ خیبر پختونخوا کے قبائلی ضلع خیبر کی تحصیل جمرود میں پولیس چیک پوسٹ پر دہشت گردوں کے حملے میں 2 پولیس اہلکار شدید زخمی ہو گئے۔
ذرائع کے مطابق واقعہ جمرود کے علاقہ وزیر ڈھنڈ میں پیش آیا جہاں دہشت گردوں نے پولیس چیک پوسٹ پر فائرنگ کردی۔
فائرنگ کے نتیجے میں دو پولیس اہلکار زخمی ہو گئے جنہیں فوری طورپر ہسپتال منتقل کیا گیا۔
ایس ایچ او جمرود کے مطابق پولیس نے علاقے کو گھیرے میں لے کر ملزمان کی تلاش شروع کردی ہے۔
زخمی پولیس اہلکاروں کی شناخت معین اور امتیاز علی کے نام سے ہوئی ہے۔
