خار (نمائندہ ڈیلی اردو) صوبہ خیبر پختونخوا کے قبائلی ضلع باجوڑ میں بم دھماکے کے نتیجے میں ایک شخص ہلاک اور دو افراد زخمی ہوگئے۔
پولیس کے مطابق باجوڑ تحصیل کے علاقے سالارزئی کے درہ بازار میں بم دھماکا ہوا جس سے ایک شخص ہلاک اور دو افراد زخمی ہوگئے۔
لاش اور زخمیوں کو ہیڈ کوارٹر خار ہسپتال منتقل کردیا گیا اور دھماکے کی نوعیت معلوم کی جا رہی ہے۔
ڈیلی اردو کے مطابق ہلاک ہونے والے شخص کی شناخت رحیم اللہ کے نام سے ہوئی جبکہ زخمیوں میں فضل ہادی اور محیب اللّٰہ شامل ہے۔
پولیس نے علاقے کو گھیرے میں لے کر واقعے کی تحقیقات شروع کردی ہیں۔
