کوئٹہ (ڈیلی اردو) صوبہ بلوچستان کے دارالحکومت کوئٹہ میں نامعلوم افراد کی فائرنگ سے سب انسپکٹر ہلاک ہوگیا۔
میڈیا رپورٹس کے مطابق پولیس نے بتایا کہ کوئٹہ کے علاقے کلی دیبہ میں نامعلوم افراد نے پولیس اہلکار کو ان کے گھر کے قریب فائرنگ کا نشانہ بنایا۔فائرنگ سے امیر محمد دستی تھانے کا انویسٹی گیشن سب انسپکٹر امان اللہ شدید زخمی ہوگیا، زخمی اہلکار کو سول ہسپتال منتقل کیا جارہا تھا کہ وہ راستے میں ہی دم توڑ گیا۔
فائرنگ سےہلاک سب انسپکٹر کی پولیس لائن میں نماز جنازہ ادا کر دی گئی جس میں صوبائی وزرا، آئی جی پولیس اور ایڈیشنل چیف سیکریٹری سمیت اعلیٰ سول وعسکری حکام نے شرکت کی۔
