لاہور(ڈیلی اردو ) محکمہ انسداد دہشتگردی(سی ٹی ڈی) نے ساہیوال میں فریدیہ پارک کے قریب انٹیلی جنس بیسڈ کارروائی کرتے ہوئےتحریک طالبان پاکستان سے تعلق رکھنے والے دہشت گرد کو گرفتار کر لیا۔
ذرائع سی ٹی ڈی کے مطابق امان اللہ نامی گرفتار دہشت گرد کا تعلق کالعدم تحریک طالبان سے ہے، دہشت گرد کے قبضے سے مذہبی منافرت پھیلانے والے لٹریچر برآمد ہوئے۔
گرفتار دہشت گرد سے ریاست پاکستان، حکومت پاکستان اور پاک آرمی کے خلاف نفرت انگیز مواد اور کتابیں بھی برآمد ہوئیں۔
سی ٹی ڈی کے مطابق دہشت گرد کے خلاف مقدمہ درج کرکے کارروائی کا آغاز کر دیا گیا ہے۔
