پشاور (نمائندہ ڈیلی اردو) صوبہ خیبر پختونخوا کے ضلع بنوں کے علاقے بسیہ خیل قبرستان سے دو لاشیں ملی ہیں۔
بنوں پولیس نے ملنے والی لاشوں کے حوالے سے بتایا ہے کہ ایک شخص کو تیز دھار آلے سے ذبج کردیا گیا ہے جبکہ دوسرے کو فائرنگ کر کے ہلاک کیا گیا ہے۔
پولیس کے مطابق دونوں لاشیں پوسٹ مارٹم کے لیے اسپتال منتقل کر دی گئی ہیں۔
ہسپتال ذرائع کے مطابق لاشوں کی شناخت اکرام عباس اور امداد اللہ کے ناموں سے ہوئی۔
پولیس کی جانب سے واقعہ کی تفتیش شروع کردی گئی ہے۔
ادھر ضلع ٹانک میں نامعلوم مسلح افراد کی فائرنگ سے حمید الحق نامی شخص ہلاک ہو گیا ہے۔ جس پر پولیس نے تحقیقات شروع کر دی ہے۔
