کراچی (بیورو رپورٹ) صوبہ سندھ کے صوبائی دارالحکومت کراچی کے علاقے ماڑی پور میں اسپیشل انویسٹی گیشن یونٹ نے کارروائی کرتے ہوئے مبینہ طور پر بھارتی خفیہ ایجنسی ریسرچ اینڈ اینالائسز ونگ (را) کے ایجنٹ کو گرفتار کرلیا۔
ایس ایس پی ایس آئی یو شعیب میمن نے میڈیا کو بتایا کہ ملزم محمد سلیم کو مچھلی چورنگی منوڑہ روڈ سے گرفتار کیا گیا۔
ایس ایس پی ایس آئی یو کے مطابق گرفتار ملزم سے ہینڈ گرینڈ، راکٹ لانچر، اسلحہ، مختلف محکمہ جات کے سروس کارڈ اور پاسپورٹ برآمد ہوئے ہیں۔
پولیس کے مطابق ملزم مختلف اوقات میں پاکستان سے انڈیا کا سفر بذریعہ نیپال کرتا تھا، ملزم کے قبضہ سے منوڑہ اور چائنا پورٹ کے نقشے بھی برآمد ہوئے ہیں۔
ملزم بھارتی خفیہ ایجنسی را کا جاسوس ہے، ملزم کے خلاف مقدمہ درج کرکے مزید تفتیش شروع کردی گئی۔
