پشاور(ڈیلی اردو) خیبرپختونخوا کے دارالحکومت پشاور کے علاقہ ورسک روڈ پر پیٹرول پمپ پر ہینڈ گرنیڈ حملہ کیا گیا جس میں کوئی جانی نقصان نہیں ہوا ۔
ابتدائی اطلاعات کے مطابق واقعہ تھانہ متھرا کی حدود ورسک روڈ نزد غم خادی روڈ پر پیش آیا جہاں ظہور ولد ولی محمد سکنہ ملاگوری حال فیروزپور کے پیٹرول پمپ پر کسی نے ہینڈ گرنیڈ پھینکا ۔ہینڈ گرنیڈ حملے میں جس سے کسی قسم کاکوئی جانی یا مالی نقصان نہیں ہوا ۔
اطلاع ملتے ہی ڈی ایس پی ورسک سرکل ضیا اللہ اور ایس ایچ او تھانہ متھرا شاکر آفریدی دیگر پولیس کے ہمراہ فوری موقع پر پہنچ کر بی ڈی یو کو طلب کر لیا ۔موقع سے اہم شواہد اکٹھا کرکے اصل حقائق جاننے اور ملوث ملزمان کا سراغ لگانے کیلئے مختلف پہلوؤں پر جامع تفتیش شروع کردی گئی۔
