ڈیرہ اسماعیل خان (نمائندہ ڈیلی اردو) صوبہ خیبر پختونخوا کے ضلع ڈیرہ اسماعیل خان میں سیکیورٹی فورسز کے قافلے کے قریب دھماکے میں دو اہلکار زخمی ہوگئے۔
نمائندہ ڈیلی اردو کے مطابق تحصیل کلاچی کے علاقہ مڈی کے قریب سکیورٹی فورسز اور ایف سی کانوائے پر دہشتگردوں کے حملہ کے نتیجہ میں سکیورٹی فورسز کے سپاہی محمد شیراز اور عبدالولی زخمی ہوگئے۔ جن کو فوری طور پر سی ایم ایچ ڈیرہ منتقل کردیا گیا۔
ڈیلی اردو کو حکام نے بتایا کہ دھماکہ میں گاڑی کو بھی نقصان پہنچا، دھماکہ کے بعد سیکورٹی فورسز اور دہشتگردوں میں فائرنگ کا تبادلہ بھی ہوا، تاہم دہشتگرد موقع سے فرار ہوگئے۔ واقع کے بعد سیکورٹی فورسز اور پولیس نے علاقے کو گھیرے میں لیکر سرآچ آپریشن شروع کردیا۔
