خار (نمائندہ ڈیلی اردو) خار (نمائندہ ڈیلی اردو) صوبہ خیبر پختون خوا کے قبائلی ضلع باجوڑ میں پولیس چوکی پر دہشت گردوں کی جانب سے دستی بم حملہ کیا گیا جس میں 2 اہلکار زخمی ہو گئے۔
تفصیلات کے مطابق یہ واقعہ باجوڑ کے علاقہ عنایت کلے بازار میں پیش آیا جہاں نامعلوم مسلح دہشت گردوں کی جانب سے پولیس چوکی پر دستی بم سے حملہ کیا گیا جس میں 2 اہلکار معمولی زخمی ہو گئے ہیں۔
ڈی پی او باجوڑ وقاص نے حملے کی تصدیق کرتے ہوئے کہا کہ پولیس کی جانب سے بھر پور جوابی کارروائی کی گئی ہے۔
پولیس جوابی کارروائی کے نتیجے میں ملزمان فرار ہونے میں کامیاب ہو گئے۔
پولیس نے علاقے میں سرچ آپریشن کا سلسلہ شروع کردیا ہے۔
