لکی مروت (ڈیلی اردو) صوبہ خیبر پختونخوا کے ضلع لکی مروت کے عوام نے پولیس کے ساتھ مل کر دہشت گردوں کے خلاف کارروائی کی جس میں دہشت گردوں کے ایک سہولت کار کو ہلاک کردیا۔
تفصیلات کے مطابق لکی مروت پولیس اور عوامی امن کمیٹی کے ممبران نے مشترکہ طور پر کارروائی کرتے ہوئے دہشت گردوں کے ایک سہولت کار کو ہلاک کردیا ہے۔
ہلاک ہونے والے سہولت کی شناخت عمران عرف علی کے نام سے ہوئی جو کہ دہشت گرد منتظر اشنا کا بھائی بتایا جاتا ہے۔
کارروائی کے دوران دہشت گردوں کے سہولت کار کے گھر کو بھی نذر آتش کیا گیا۔
پولیس کےمطابق منتظر آشنا اور عمران عرف علی کے گھروں کو بھی آگ لگا دی گئی ہے۔
