کوئٹہ (ڈیلی اردو) صوبہ بلوچستان کے دارالحکومت کوئٹہ میں نامعلوم سمت سے 3 راکٹ داغے گئے تاہم حملوں میں کوئی جانی نقصان نہیں ہوا۔
میڈیا رپورٹ کے مطابق کوئٹہ پولیس نے بتایا کہ کوئٹہ میں نامعلوم سمت سے ماڈل ٹاؤن کے علاقے میں راکٹوں سے حملہ کیا گیا۔
حکام کے مطابق 2 راکٹ سڑک پر گرے جب کہ ایک راکٹ اچکزئی کالونی میں گھر کی دیوار کو لگا۔
پولیس نے بتایا کہ راکٹ حملوں کے نتیجے میں کوئی جانی نقصان نہیں ہوا جب کہ قانون نافذ کرنے والے اداروں علاقے کو گھیرے میں لے اس حوالے سے کر تفتیش شروع کردی ہے۔
