واشنگٹن (ش ح ط) افغان سرحد سے ملحقہ پاکستانی قبائلی ضلع خیبر میں ایک جھڑپ میں دو پاکستانی سکیورٹی اہلکار ہلاک ہوگئے۔
تفصیلات کے مطابق صوبہ خیبرپختونخوا کے قبائلی ضلع خیبر میں دہشت گردوں اور سیکیورٹی فورسز کے مابین ایک جھڑپ میں دو سیکیورٹی اہلکار ہلاک جبکہ تین شدید زخمی ہوگئے۔
سرکاری ذرائع کے مطابق اس جھڑپ میں دو دہشت گرد بھی مارے گئے۔
وادی تیراہ میں فوجی قافلے پر حملہ
ادھر قبائلی ضلع خیبر کی دور افتادہ علاقے وادی تیراہ میں بھی دہشت گردوں نے فوجی قافلے پر گھاٹ لگا کر حملہ کیا ہے۔
مقامی ذرائع کا کہنا ہے کہ حملے میں متعدد اہلکار ہلاک و زخمی ہوگئے ہیں۔ تاہم اس حوالے سے مزید تفصیلات کا انتظار ہے۔
پاکستانی فوج کے شعبہ تعلقات عامہ (آئی ایس پی آر) نے اب تک ان واقعات سے متعلق کوئی بیان جاری نہیں کیا ہے اور نہ ہی کسی گروپ یا تنظیم نےان کی ذمہ داری قبول کی ہے۔
