راولپنڈی (نمائندہ ڈیلی اردو) پاکستانی سیکیورٹی فورسز نے صوبہ بلوچستان کے ضلع ژوب میں خفیہ اطلاعات پر آپریشن کے دوران فائرنگ کے شدید تبادلے میں ایک خارجی کو ہلاک ہلاک کردیا، جبکہ ایک کو زخمی حالت میں گرفتار کر لیا۔
پاکستانی فوج کے شعبہ تعلقات عامہ آئی ایس پی آر کے مطابق سمبازہ ضلع ژوب میں آپریشن علاقے میں خوارج کی موجودگی کی اطلاع پر کیا گیا۔
آئی ایس پی آر کے مطابق آپریشن کے دوران ہتھیار اور گولہ بارود بھی برآمد کیا گیا۔
آئی ایس پی آر کا مزید کہنا ہے کہ علاقے میں موجود خارجیوں کے خاتمہ کے لیے کلیئرنس آپریشن جاری ہے۔
