بنوں (ڈیلی اردو) صوبہ خیبر پختونخوا کے ضلع بنوں میں رات گئے مسلح حملہ آوروں نے احمد زئی پولیس اسٹیشن اور مزنگہ پولیس چوکی پر حملہ کردیا۔
پولیس کے مطابق پہلے حملے میں ایک پولیس اہلکار زخمی اور دوسرے حملے میں پولیس چوکی پر لگے تھرمل کیمرے کو نقصان پہنچا۔
پولیس کا بتانا ہے کہ احمد زئی پولیس اسٹیشن پر مسلح دہشت گردوں نے حملہ کیا لیکن پولیس کی بروقت جوابی کارروائی سے حملہ پسپا کردیا گیا تاہم ملزمان کی فائرنگ سے ایک اہلکار زخمی ہوگیا جسے ہسپتال منتقل کردیا گیا۔
پولیس کا کہنا ہے کہ ملزمان کی گرفتاری کے لیے کوشش کی گئی تاہم وہ رات کی تاریکی میں فرار ہوگئے۔
پولیس کے مطابق دوسرا واقعہ بنوں مزنگہ پولیس چوکی پر پیش آیا جہاں رات گئے دہشت گردوں کی فائرنگ سے چوکی پر لگے تھرمل کیمرے کو نقصان پہنچا۔
