مالاکنڈ (نمائندہ ڈیلی اردو) صوبہ خیبر پختونخوا کے ضلع مالاکنڈ ڈویژن کے علاقے بلیئی شیر خان میں دہشت گردوں کی فائرنگ سے ایف سی اہلکار ہلاک ہو گیا۔
واقعہ شیرخانہ پلئی میں پیش آیا جہاں نامعلوم مسلح دہشت گردوں نے ایف سی اہلکار عطاء اللہ پر فائرنگ کردی ، جس سے وہ موقع پر ہی ہلاک ہوگیا۔
اطلاع ملنے پر لیویز اہلکار جائے وقوعہ پر پہنچ گئے، حکام کا کہنا تھا کہ ایف سی اہلکار چھٹی پر گھر آیا ہوا تھا کہ مسجد سے گھر جاتے ہوئے ٹارگٹ کلنگ کا نشانہ بنایا گیا۔
لیویز اہلکاروں نے جائے وقوعہ سے شواہد اکٹھے کرکے تحقیقات شروع کردی۔
