خار (نمائندہ ڈیلی اردو) صوبہ خیبر پختونخوا کے قبائلی ضلع باجوڑ میں گھر کے باہر بارودی مواد کے دھماکے سے ایک شخص ہلاک ہوگیا ہے۔
ڈیلی اردو کے مطابق واقعہ باجوڑ کی تحصیل ماموند کے علاقہ گبری میں پیش آیا جہاں سڑک کنارے نصب بارودی مواد کا دھماکہ ہوا جس کے نتیجے میں عبدالرحیم نامی شخص ہلاک ہو گیا۔
ڈی ایس پی ہنر خان کے مطابق بارودی مواد گھر کے سامنے راستے میں نصب کیا گیا تھا جو دھماکے سے پھٹ گیا۔
دھماکے کی شدت بہت زیادہ تھی جس کے باعث پورا علاقہ لرز اٹھا۔
پولیس حکام کے مطابق واقعے کی تحقیقات کا آغاز کردیا گیا ہے۔
