باڑہ (ڈیلی اردو) صوبہ خیبر پختونخوا کے قبائلی ضلع خیبر کے علاقے وادی تیراہ میں عوامی نیشنل پارٹی (اے این پی) خیبر کے صدر کی رہائش گاہ پر دھماکا ہوا ہے۔
ڈپٹی سپرنٹنڈنٹ آف پولیس (ڈی ایس پی) خیبر کے مطابق شدت پسندوں نے رہائشگاہ سے چوکیدار کو باہر نکال کر بارودی مواد نصب کرکے دھماکا کیا۔
ڈی ایس پی کا مزید کہنا ہے کہ دھماکے کے باعث رہائشگاہ میں موجود سامان جل گیا، تاہم کوئی جانی نقصان نہیں ہوا۔
